Die Freiheitliche Jugend

La nueva aministrazion de chemun a fat trueps vares inant y se a bel muet, dantaldut tl ciamp di jëuni. Ciche ie dantaldut da laudé ie la dispunibilità a cunlauré danter partic. La prupostes dl FJ Gherdëina, purtedes te chemun tres la cunseliera de chemun di Freiheitlichen, Lori Senoner, de fé na plata di jëuni tla zaita de chemun y de lauré ora cuestioneres per capì i bujëns di jëuni ie states tëutes su cun legrëza dai respunsabli di jëuni Günther Perathoner y Doris Mussner, n prospettiva de meter su la proscima ansciuda na pitla grupa de lëur per jëuni te chemun.

L ie dantaldut da sotrissé l bon ejëmpl che porta al mument l chemun de Selva tla politica chemunela, desmustran, che canche la se trata dl bën dla jënt, ne dal plu degun partic, ma me ueia de fé dl bën y che ala fin ruven belau for a n cumpromis che vede bën a duc canc. La varietá de partic ne ie nia tlo per fé ora la squadres de na viëra, ma per se cuntrolé y se judé un cun l auter y per purté ite iedies nueves y fresces. Enghe tla provinzia fossl gran eura dl capí!

Jan de reviers a la cuestion di jëuni, ie drët da laudé la “Jëuni de Selva” che se à sëurantëut de mplenì la plata di jëuni. Chësc ie l prim var per meter a jì na plata che porte ai jëuni duta la nfurmazions per ëi de utl y per I purté plu daujin al lëur che vën fat te chemun.

Per ciche reverda la grupa de lëur per jëuni te chemun,  cialeran dant de nuzé l autonn y l inviern per capi ciche I jëuni se aspieta y adrova, per pona pudëi scumencé a la meter su dà ansciuda, basans sun criteresc cuncrec.

I Freiheitlichen y l FJ Gherdëina ie cuntënc che la nueva legislatura à scumencià de bon var, dajan prova de democrazia y dl fat che l ie ënghe mesun fé n oposizion costrutiva. L ejëmpl che l oposizion ne ie nia me tlo per strité y mené riedà, coche l vën for spiculà…

Max Mussner

Kommentare (0)

Kommentar schreiben

E-Mail Adresse Dein Name		Titel Dein Kommentar kleiner | groesser
		Antworten per E-Mail erhalten (nur für registrierte Benutzer) Ich habe die Kommentarregeln gelesen und akzeptiert. Senden